لما تتكلم معاها
ما تحاولش تعلي صوتك ..
إهمس الكلمة ف هواها
سييها تفهم من سكوتك ..
خلي في الخلفية ساكس
أو جيتار وبلاش أغاني ..
الكلام هو البطل
والموسيقى بُعد تاني ..
خلي دايماً قلبها
مايشوفش غيرك ..
الأغاني هاتبقى حاجز
وانت تبقى حد غيرك ..
لو لقيتها يمامة طايرة
ركب الجناحات وطير ..
هي دايبة ف صوتك انت
مش في صوت وكلام منير ..
الموسيقى هاتبقى عامل
تتدخلوا في المود وبس ..
الحبايب يبقوا أقرب
لما تبقى الكلمة همس
