وفـ الآخر ... بـ تساوي الميّت الغرقان ... بـ الميّت العطشان
فـ غيبي ... زي ما تغيبي
ساعات القرب فـ الغيبة ... يكون مضمون
وأكون مجنون ... أفتّش كنزك المكنون
فـ آتوه تاني علي توهتي
وأبات مفتون علي راحتي
أفصص نهدك الرمان
فـ أفوق سكران ... وأطوّل ... يا بخت إللي قلبه حس
مفيش قدرة ترجّع ماضي م الأول ... إلا غرامك بس
وتكتر زحمة المواعيد
فأشوفك عيد... يبعت ضحكته للشمس ... تونّس الحيران
فـ أقولك همس ...وأصومك خمس ... وأفطر حلمك الهربان
