إعلان

الرئيسية » » شبح انثي | ياسمين الشاذلي

شبح انثي | ياسمين الشاذلي

Written By Unknown on الاثنين، 27 يوليو 2015 | 5:43 ص



شبح انثي 

مش دايما الحواديت بتخلص 
بالنهايات اللي بنحلم بيها دايما 
<Photo 2 > 
راحت الحدوتة جوه تسبيلة عينيهم 
للحلم بعد البعث لو عادوا 
هيبقوا ازاي يا تري؟ 
هتوحشها أكيد جدا
ولو هي كمان زيك
بتبعد عنها ليه؟
بتحاسب الجرسون فبيقولك
شيك الحساب فيه غلطتين
طلبتوا اكتر من امكانيتكوا سوا
وغلطة منك لما بيعت
*****
ما بقتش فارقة هاكل إيه
كله عندي طعم واحد
مرارة الحلق إن تروح عني
يمكن أحس بطعم حاجة
محتاجاك اسند عليك
ما تسيبش قلبي للزمن
أنا كل يوم بدفع تمن ذنب ارتكبته
لما قررت اني احبك ..
سيب الزمان يلعب في حاضرنا لوحده
يبدلنا يخلينا في ناس غيرنا
يخليك ليا م الاول
يخليني اعيد تشكيلة الاحلام
يخلي الحب يسكنا
انا كل يوم بواصل سيرك المجهد
بسند علي ظهر الزمن
وانا خايفة منه
خليك بداله
انا نفسي اسند ظهري مرة ومانكسرش
انا نفسي احبك المرادى جد
ولا ترجع تقولي انك تعبت خلاص
ومش قادر علي مشيي
بطيئة ساعات مملة ساعات
لكن اوقات كتير بتعدي صدقني
بموت من الخوف ساعات م الضعف
واوقات ببقي اشقي الناس طفولية
احب اللعب وقت العصر
واحب ارفض لماما الاكل
واحبك لو تناديني تدلعني
لكني مشتتة جدا اخاف اختار
اخاف اخسر
خسرت الباقي من قلبي
ومن روحي
وما فاضلش الا جزء بسيط مخليني يادوبي معاك
ماتتهاونش بجروحي
دي قوة دمرت روحي
تحب انسا اللي فات كله
وتتحملني لما اغضب
وهتصالحني لو قاسية
ولو هجرح تداوي الجرح
هتقدر عالعذاب كله
وماتتكلمش
خلاص خليك
لكن عارف
لو اتغيرت
معدتش اكون انا هي الرومانسية
ولا البنوتة بالجامد
ولا طيوبة وغبية
هخاصم كل عشاقي
وهتحول شبح انثي
بيقتل مهماكان الرد
بيرفض كله قوة وعند
بيضحك ضحكته للشر
ولا يبكيش
دموعي تكون خلاص خلصت
شبح طيب من الداخل
وم الخارج بيتعذب فبيعذب معاه الناس
هتتحملني متأكد.
****
ماتكدبش وتقول حاضر
عشان عارفاك عنيد جدا
متنفعش الدوا لروحي
لاني نسيت دوايا عند ناس خاينين
ماصانوش عهدي ولا مرة
ولا عدي عليهم وقت بوحشهم
وشكلك زيهم برضوا
روح امشي خلاص ماتندهنيش
منيش رده
انا اتلككت عشان محتاجة جنبي لحد
لقيتك قولت ايه يعني اجرب يمكن انسي الماضي بالكامل
عمايلك فكرتني بيه
ماتلزمنيش قساوة خلاص
كفاية بقي 
التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4