١
الحرب خدعة
والجنود مخدوعين
والحب بدعة
والشباب مبدعين
وبينَّا غيرة
واحنا مش مغرورين
جوة المسيرة
كلنا مسرورين
وهتافنا حكمة
وسط ناس محكومين
الحرب خدعة
والجنود مخدوعين
والحب بدعة
والشباب مبدعين
وبينَّا غيرة
واحنا مش مغرورين
جوة المسيرة
كلنا مسرورين
وهتافنا حكمة
وسط ناس محكومين
٢
الحرب خدعة والجنود مخدوعين
والخوف بيهتف في الجميع بالموت
والحب بدعة والشباب مبدعين
والليل بيهرب م النهار للسكوت
وبينا غيرة واحنا مش مغرورين
تعند سنين العمر رافضة تفوت
جوة المسيرة كلنا مسرورين
من أجل نشوة نصر علّوا الصوت
وهتافنا حكمة وسط ناس محكومين
والارض مش ملك اللي عاش مكبوت
والخوف بيهتف في الجميع بالموت
والحب بدعة والشباب مبدعين
والليل بيهرب م النهار للسكوت
وبينا غيرة واحنا مش مغرورين
تعند سنين العمر رافضة تفوت
جوة المسيرة كلنا مسرورين
من أجل نشوة نصر علّوا الصوت
وهتافنا حكمة وسط ناس محكومين
والارض مش ملك اللي عاش مكبوت
٣
الحرب مش خدعة والبنت مش جدعة والجندي مش مجهول
كل اللي عاشوا بيحلموا ببكره
مات نصهم في الحرب
عاش نصهم مقتول
كل اللي عاشوا بيحلموا ببكره
مات نصهم في الحرب
عاش نصهم مقتول
والحب مش بدعة والبنت مش خاضعة والشاب كان مشغول
كل اللي لما اتفرقوا حزنوا
الدنيا نستهم
والحزن مش مسؤل
كل اللي لما اتفرقوا حزنوا
الدنيا نستهم
والحزن مش مسؤل
والغيرة مش باينة .. وبان مابينا الغرور
والحيرة لو ثانية .. بتبني شك وسور
جوة المسيرة اتفضت السيرة
مافضلش شيء معقول
مافضلش حد يثور
والحيرة لو ثانية .. بتبني شك وسور
جوة المسيرة اتفضت السيرة
مافضلش شيء معقول
مافضلش حد يثور
والبنت مش حمل اللي راح
البنت بتسامح
فتش في قلب البنت
تلاقيها بتخبي
أكتر ما بتصارح
وتلاقي نص ابتسامة
وتلاقي معناها :
يابخت مين انجرح ولا يبات جارح
البنت بتسامح
فتش في قلب البنت
تلاقيها بتخبي
أكتر ما بتصارح
وتلاقي نص ابتسامة
وتلاقي معناها :
يابخت مين انجرح ولا يبات جارح
وهتافنا مش حكمة والعيب على المحكوم
والناس ملوك ظالمة
والصورة مش كاملة
والظلم كان بينهم
والصبر كان مهزوم
كل اللي لما اتفرقوا حزنوا
الدنيا نستهم
والحزن مش بيدوم
والناس ملوك ظالمة
والصورة مش كاملة
والظلم كان بينهم
والصبر كان مهزوم
كل اللي لما اتفرقوا حزنوا
الدنيا نستهم
والحزن مش بيدوم
-----
٤
٤
الحرب مش خدعة والبنت مش جدعة والغيرة حيرة والمسيرة اتفرقت اشلاء
كل اللي عاشو بيحلموا ببكره
عاشوا يسايروا الظروف
كفروا بمعنى الولاء
آمنوا بمعنى الخوف
عاشوا على استحياء
ماتوا على استحياء
كل اللي عاشو بيحلموا ببكره
عاشوا يسايروا الظروف
كفروا بمعنى الولاء
آمنوا بمعنى الخوف
عاشوا على استحياء
ماتوا على استحياء
