هالة فتحي
عشقه الغريب
سايب حبيبته .. بدون حبيب
أصل الهوى في شريعته عار
و الحب عيب
و القلب
لما اختار يميل
ما لقاش له عذر
شال هم عشقه ف ليل طويل
و كأنه وزر
و اتسرسبت منه الساعات
عاشق بعيد
حارس على باب الفرح .. و ماهوش سعيد
و لا باع
و لا ف يوم اشترى
و لا كانله دور
ملفوف ب تلج مخبي بيه بركان يفور
بقى ف النهايه أسير
وقف على حد سيف
عامل قوي لكنه أضعف من ضعيف
عايش كفيف .. و النور قدر
يا خساره خاف ضلمة بشر
و الليله
خلصت قصته
لكن ب حزن
دراعات حبيبته .. لقت خلاص .. مع غيره حضن
