إعلان

الرئيسية » » مش فى صالحك إنى اصالحك | علاء عيسي

مش فى صالحك إنى اصالحك | علاء عيسي

Written By Unknown on الثلاثاء، 26 مايو 2015 | 11:43 م



علاء عيسي

مش فى صالحك إنى اصالحك

مستحيل أنا هانسى جرحك
إوعى قلبك يوم يصدَّق 
إنى ح اغلط يوم واسامحك
......
إنت لو عايز نصيحتى
كاس عتابى طعمه مر
لو ح تزعل من صراحتى
يبقى جرَّب وانت حر
...........
لو ح ترضى لكبرياءك ينكسر؟!
أو ح تيجى وانت نادم تعتذر
مستحيل قلبى ح يرضى يوم يسامحك
مش باقولك مش فى صالحك انى اصالحك
..........
ليه أصالحك وانت خاين للعهود
ليه أصالحك وانت ناسى للوعود
ليه وقلبى كان معاك إخلاصه واضح
وانت قلبك قسوته مالهاش حدود
.............
لو ح اصالحك يبقى نحسب م البداية
كل غلطة غلطتها وانت معايا
مش راح أنسى ولا افوِّت أى غلطة
وانت أدرى منى باللى انت كسرته
كبريائى ولا قلبى اللى هجرته
حط تحت الكبرياء ميت ألف شرطة
.........
لو ح ترضى لكبرياءك ينكسر؟!
أو ح تيجى وانت نادم تعتذر
مستحيل قلبى ح يرضى يوم يسامحك
مش باقولك مش فى صالحك انى اصالحك


من ديوان 
العزف على أوتار ممزقة 1999‬

التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4