ما هوش مرتاح
هالة فتحي
ما هوش مرتاح
في قلبه الخالي غيم فضاح
نجح ما يكونش يوم عاشق
لكن مشتاق لـ ليلًه صباح
سمعت فـ صوته تنهيده
بتندهلى و انا بعيده
بتفضح انه مش مبسوط
و شايفاه ... رغم حمل سكوت
حزين ... مكبــــوت
وحيد حـــيران ما بين احزان
و ذكري تمر .. وسط حيطــان
و اقول : لو كان
في يوم يمكن يلين و يميل
و صابره و الله صبر جميل
و حملي تقيل
يجوز لو كان سعيد في الوحده
كنت ارتحت
لكن شايفاه ماهوش مرتاح
و قاسي الوقت
و حس ( نجاه ) بيعتب و الكلام لماح
ما هوش مرتاح في يوم عاشق
و لا الخالي كمان .. مرتاح
...
..
" لا العاشق مرتاح ... و لا الخالي مرتاح "
