الليلادى صعب جدا ..
سعيد شكري
الليلادى صعب جدا ..
يمكن اصعب م اللى فاتت ..!!
يوم ماسيبتى القلب يحزن
لما سيبتى الفرحة ماتت ..!!
رغم إنى كنت شايف
كل حاجة بيكى جنة ..!!
فجأة بانت ع الشفايف
الفراق أصبح مصيرنا
فجأة ماتت فينا حاجة
وكل حاجة بينا هانت ..!!
والليلادى بجد نفسى ..
نفسى أقولك شئ ف نفسى ..!!
نفسى اغسل الأحزان بضحكة
حتى لو كانت بزيف ..!!
نفسى اشوف ف عنيكى سكة
تحضن القلب النضيف ..!!
عايز افرح قبل ماتلون دموعى
خطوة تايهة ع الرصيف ..!!
نفسى أرقص ..
بس قالوا الرقص "نقص"
وبرضو برقص غصب عنى ..!!
نفسى اغنى ...
بس مش محكوم بنص
يكون حزاينى ..!!
نفسى احلم بيكى تانى
وبالأمانى ..!!
نفسى أضمك بين ضلوعى
ياحتة منى ..!!
الليلادى ..!!
