هالة فتحي
فاكرني ؟
و لا مش فاكر
انا اللي نسيتني في الاخر
انا المكتوبه فوق عينك
و سبت الرمش .. يتفاخر
انا الجنه اللي منها تعبت
انا الدنيا اللي فيها زهدت
انا اللي رفعت اوجاعك
و لا عمري شكيت او بعت
انا اللي مشيت معاك عمرك
انا المقسومه لون فجرك
انا الموصومه بالهجران
و اصونك ... و استبيح هجرك
انا اللي بقيت خلاص ماضي
و فضيتك من الحاضر
انا اللي طاوعتك امبارح
و بكره .. مش هأقول حاضر
انا الندمانه
فاكرني ؟!!
و عارفه ان الجواب : فاكر
