بأعشق تنهيدى
هاني آدم
بأعشق تنهيدى
لما أفتكرك
دم بيحمر خدودى
و يغزل الفرح ف مكتوبي
و شوق غلاب
أصلى إتعلمت ف حبك أجمل اﻷشياء
و عشقت لدرجة حتي البعد حنين و وفاء
محتله وريدي
بتغوصي في القلب
بأحلى حياء
و بحضن إشتاق
لساعات مواعيدي
بهواكي حياه
مستنيه ترفرف عشقي
و تغزلى ديوان
مكتوب بالفرح و أوفي زمان
بيني و بينك
حكايات ياما
و بحر ملامه
منديل و دموع
وبرغم البعد سفر و رجوع
مستني أعيش
أصل اﻷيام بيكي بتوارب
باب التوبة
عن أحلي ذنوب
وطن المغلوب
