من ديوان(يرجى اعادةشحن البطاقة\الهيئةالعامةللكتاب
فيلم سكوب
دماغ أبيض بخطين بيض
ينام على بيض ما هوش فاقس
بهم الناس ما هوش حاسس
يتابع ماتش للكوره
يكرّم حوده حنكوره
وعبده عكاوي
عن فيلمه الشهير سوسته
نتابع نشرة الأخبار
ومين كان فين
أخد فرصه عمل منشار
عمل مليار ف تهليبه
دماغ أبيض ف سن اليأس
م الخيبه مشفرها الحياه جوّه
مسفرها الفلوس برّه
مصعبها على المنهوب
تشوف ف السيما فيلم سكوب
عن الطبقه اللي فوق هرم البلد
قاعده
ومش ف الفيلم إن القاعده
من تحت الفقير محلوب
ومش ف الفيلم إن التوب
كفن جلابيه وبيجامه
علم ساتر مسيح مصلوب
دماغ أبيض بخطين بيض
منع ياكلو الغلابه البيض
منع تحميض صور للناس ما هش راضيه
وكل أمورها مش قاضيه الطريق مقفول
على الوش ابتسام مهزوم
هتعمل " زوم " على الداخل
هموم وهموم
غيوم في عنيك وبتشتّي الليالي عليك
شجن غامض
" نهار خارجي "
على الشاشه نواصل بس
بث الفرحه بـ " التيم " اللي جاب الكاس
ما جابش لباس مواطن غربله الإحساس
بقهر الدين
مواطن فات على الجزار ما سلمشي
مواطن فات على السّمّاك ببال مكسور
وقف ف طابور يجيب العيش
شبع تلطيش ولمس اكتاف
مواطن داخل الدايره
على الأعراف
ببال مكسور
ما هوش قادر يكون عنتر
ولا قادر يكون شيبوب
مشفّرها الحياه ع الناس
دماغ مقلوب
دماغ مش فاهم إن الليل
طِول أكتر من اللازم
وإن اللازم القهري لبقاء
رمق الحياه مرفوع
وإن الأصل في الموضوع
كيان الأمّه مش في بطوله
أو كاس للأمم جيبناه
ف فيلم سكوب
يصّور مخرج السيما الوطن فرحان
وتكمل فانتازيا الهلس بمواطن
رقص سكران
ما فيش غرقان في عبّارة
ما فيش حاره ف مجاري تعوم
ما فيش طالع في سنّاره
جعان بيطالبه ربّه يصوم
في فيلم سكوب
ما فيش ناهب
ما فيش منهوب
ما فيش إلا ابتسام أهبل
ما فيش إلا علم مرسوم
على خدود البنات البيض
دماغ أبيض
بخطين بيض
مكانه كل شيء باقي
على الكرسي
على الأسفلت
ع القهوه
مكانه الشعب مستني
الفرج ييجي على سهوه
برمية زهر
مكانه العامل السّرّيح
على الأعراف
جيوبه نضاف
وف عنيه الشجن غيمه
وبطنه بتطلب العيش حاف
مكانها الشمس تطبخ
لحم راس الناس
مكانهم طنطنوا الشعرا
بكلام فارغ
دخل ع الناس
مكانه الخدّ ينداس
فرش لجل رغيف
مكانه الصيف دخل
لا مروحه ولا سقف
مكانهم أهل هذا الكهف
يستنوا الفرج ييجي برمية زهر
ينام على بيض ما هوش فاقس
بهم الناس ما هوش حاسس
يتابع ماتش للكوره
يكرّم حوده حنكوره
وعبده عكاوي
عن فيلمه الشهير سوسته
نتابع نشرة الأخبار
ومين كان فين
أخد فرصه عمل منشار
عمل مليار ف تهليبه
دماغ أبيض ف سن اليأس
م الخيبه مشفرها الحياه جوّه
مسفرها الفلوس برّه
مصعبها على المنهوب
تشوف ف السيما فيلم سكوب
عن الطبقه اللي فوق هرم البلد
قاعده
ومش ف الفيلم إن القاعده
من تحت الفقير محلوب
ومش ف الفيلم إن التوب
كفن جلابيه وبيجامه
علم ساتر مسيح مصلوب
دماغ أبيض بخطين بيض
منع ياكلو الغلابه البيض
منع تحميض صور للناس ما هش راضيه
وكل أمورها مش قاضيه الطريق مقفول
على الوش ابتسام مهزوم
هتعمل " زوم " على الداخل
هموم وهموم
غيوم في عنيك وبتشتّي الليالي عليك
شجن غامض
" نهار خارجي "
على الشاشه نواصل بس
بث الفرحه بـ " التيم " اللي جاب الكاس
ما جابش لباس مواطن غربله الإحساس
بقهر الدين
مواطن فات على الجزار ما سلمشي
مواطن فات على السّمّاك ببال مكسور
وقف ف طابور يجيب العيش
شبع تلطيش ولمس اكتاف
مواطن داخل الدايره
على الأعراف
ببال مكسور
ما هوش قادر يكون عنتر
ولا قادر يكون شيبوب
مشفّرها الحياه ع الناس
دماغ مقلوب
دماغ مش فاهم إن الليل
طِول أكتر من اللازم
وإن اللازم القهري لبقاء
رمق الحياه مرفوع
وإن الأصل في الموضوع
كيان الأمّه مش في بطوله
أو كاس للأمم جيبناه
ف فيلم سكوب
يصّور مخرج السيما الوطن فرحان
وتكمل فانتازيا الهلس بمواطن
رقص سكران
ما فيش غرقان في عبّارة
ما فيش حاره ف مجاري تعوم
ما فيش طالع في سنّاره
جعان بيطالبه ربّه يصوم
في فيلم سكوب
ما فيش ناهب
ما فيش منهوب
ما فيش إلا ابتسام أهبل
ما فيش إلا علم مرسوم
على خدود البنات البيض
دماغ أبيض
بخطين بيض
مكانه كل شيء باقي
على الكرسي
على الأسفلت
ع القهوه
مكانه الشعب مستني
الفرج ييجي على سهوه
برمية زهر
مكانه العامل السّرّيح
على الأعراف
جيوبه نضاف
وف عنيه الشجن غيمه
وبطنه بتطلب العيش حاف
مكانها الشمس تطبخ
لحم راس الناس
مكانهم طنطنوا الشعرا
بكلام فارغ
دخل ع الناس
مكانه الخدّ ينداس
فرش لجل رغيف
مكانه الصيف دخل
لا مروحه ولا سقف
مكانهم أهل هذا الكهف
يستنوا الفرج ييجي برمية زهر
