كان ياما كان ..!!!
عشاء فاخر ...
وشمعاية وضحكاية
وفازة ورد ع السفرة
وغنواية "لست الكل"
"بعيد عنك حياتى عذاب
ماتبعدنيش بعيد عنك "
وطيفك من بعيد بيطل
دواير من عبير عشقك
تبوس خد النسيم والفل
تمدى ايديكى تاخدينى
تضمينى
ابوس الوشم والحنة
ابوس الضحكة لما تهل !!
ابوس الفرحة ف عنيكى
واضمك تصرخى واصحى
افوق م الحلم ع الصرخة
ودمعة بتقتل الفرحة
لا بتسلم ولا بتمل ..!!
تغطى الحسرة ع الإحساس
وآهة بتحبس الانفاس
وحيد حتى ف وسط الناس
وآه ع البخت لما يقل ..!!
كان ياما كان ..!!
انا اللى فرشتلك شالك
على كتف الشموس ضلة
وفرحة وطرحة والفستان
وانا اللى غسلتلك روحك
من الأحزان
وانا اللى كتبتك القصة
وانا اللى عملتك العنوان
انا الشاعر
وانا العاشق
وانا الطيب
وانا الإنسان ..!!
حبيبتى بجد انا اسف
ماكنش الهجر ف الحسبان ..!!!
وشمعاية وضحكاية
وفازة ورد ع السفرة
وغنواية "لست الكل"
"بعيد عنك حياتى عذاب
ماتبعدنيش بعيد عنك "
وطيفك من بعيد بيطل
دواير من عبير عشقك
تبوس خد النسيم والفل
تمدى ايديكى تاخدينى
تضمينى
ابوس الوشم والحنة
ابوس الضحكة لما تهل !!
ابوس الفرحة ف عنيكى
واضمك تصرخى واصحى
افوق م الحلم ع الصرخة
ودمعة بتقتل الفرحة
لا بتسلم ولا بتمل ..!!
تغطى الحسرة ع الإحساس
وآهة بتحبس الانفاس
وحيد حتى ف وسط الناس
وآه ع البخت لما يقل ..!!
كان ياما كان ..!!
انا اللى فرشتلك شالك
على كتف الشموس ضلة
وفرحة وطرحة والفستان
وانا اللى غسلتلك روحك
من الأحزان
وانا اللى كتبتك القصة
وانا اللى عملتك العنوان
انا الشاعر
وانا العاشق
وانا الطيب
وانا الإنسان ..!!
حبيبتى بجد انا اسف
ماكنش الهجر ف الحسبان ..!!!
