مافيش مانع تعاتبها
تعرفها الغلط مـ الصح
عشان هي فـ مقام بنتك
عشان إنت حبيبها وأخ
فعاتبها
وبعد عتابها
سامحها
ومتسيبهاش تعوز إلاك
عشان هي فـ وقت الحزن
بتتمنى تكون وياك
وترمي روحها بين ايدك
ولو غلطانة تتأسف
فـ حِن عليها في عتابها
بلاش تبقى خَنيق / زَيـَاط
تعلي الصوت
وتعمل فيها سـي السيد
وتقلبها عياط فـ عياط
يا صاحبي البنت
لو تلقى من الراجل
حنان الحضن / وقت خصام
هتلقى حضنها جنّـة
وأحلى كمان مـن الاحلام
هتلقى روحها بين ايدك
بقت خاتم
بتسمع كلمتك دُغري
فاوعى فـ يوم تكون كاتم
على روحها
عشان متضيعش يوم منك !
فَـ خد بالك ..
هقول تاني
مافيش مانع تعاتبها
وبعد عتابها صالحها
هاديها بـ حضن
