--------------- ( انا شبه العيل ده ) ---------------
*************** باسم صلا ح ****************
أنا شبه العيل ده !!
ملفــــــوف بالحزن لكن فرحان
اسود فحمايه لكن تقابلني ف اي مكان
تلاقيني كأني منور وابيض
منا انسان !
بفرح واحزن
ببقي ساعات قرفان م الدنيا
وساعات . . أحسن
بغضب................... غضبي بصبه ف قلبي
واروح علي اقرب ترعـــــــــــــــة هنااااااااااااااااااااااااااااك
واغطس فيها وابلبــــــط . . أهدي !!
أيوه أنا شبه العيل ده . . !
شايل حمل تقيل علي قلبي
بقضي عقوبة ذنب عملته
بس بجد ماهواش ذنبي
ايوه انا قاتل . ...!!!
مرة قتلت الحقد بحبي
بس تملي بقبل . . وارضي !
أيوه انا شبه العيل ده !
بصوا وشوفوا صورة ومعني
قلبي يساع الكون ده بحاله
مع ان الكون ده ما بيساعنا
جوا عيوني حلم بيكبر
رغم ان انا ولا ايها منظر
بس بفكر
ابقي الكلمة اللي تجمعنا
فجأة ساعتها بكبر . . بكبر
واقدر أخطي ايها شده !
ايوه أنا شبه العيل ده !!
حافي وماشي بلم الناس
آه و بتتمني الحضن الدافي
والملم حزن الناس ده بحاله
واقول للدنيا اوعي تخافي
وادور علي شبشب ضاع مني
ما الاقيش منه يادوبك.............. فرده !
ايوه انا شبه العيل ده !!
. . . . باسم صلاح. . .
