يا حلاوتك يا تين ..
تين يا طـارح من غيـطاني
ياللى مش مزروع شيطاني
مَسقي من فقري .. وحناني
إفتكر عطش السنين ..
يا حلاوتك يا تين ..
تين .. يا متعاجب بلونك
نرجسي ..ياجمـال فنونك
لو ذكائك يوم يخونك ..
ما يشتريكشي الطيبين
يا حلاوتك يا تين ..
تين يا أحلى م البسبوسة
خللى بالك م المـحـروسـة
ألعن شئ فى الدنيا الكوسة
بيروح فيها الشقيانين ..
يا حلاوتك يا تين ..
هوجة قالوا.. برّانية
وهوجة قالوا.. جوّانية
ولاحدش مسك الحرامية
راحوا فطيس المظلومين
يا حلاوتك يا تين ..
تين يا عايش من سِمادنا
هات لنا اللى هبشوا زادنا
كُل كنيسة .. وكُل مادنة
مستنيين عَدل السنين ..
يا حلاوتك يا تين ..
ياللى طعمك .. زيّ سُكر
جاي والنيل زعلان متعكر
قبل ما تغلا .. بُص وفكـّر
ناوي يا حلو تروح مع مين
يا حلاوتك يا تين ..
لو حَمِتنا ..احنا حاميينك
لو ساندنا ..احنا ساندينك
واحنا وقفنا للي يهينك
ليه تخلينا نسب التين!!
يا حلاوتك يا تين ..
تين يا واخد من سَـمارنا
انت واحد من ثمارنا ..
تحلى..تدخل قلب دارنا
وغير كده.. متشكرين
يا حلاوتك يا تين ..
علاء عبد المنعم
ياللى مش مزروع شيطاني
مَسقي من فقري .. وحناني
إفتكر عطش السنين ..
يا حلاوتك يا تين ..
تين .. يا متعاجب بلونك
نرجسي ..ياجمـال فنونك
لو ذكائك يوم يخونك ..
ما يشتريكشي الطيبين
يا حلاوتك يا تين ..
تين يا أحلى م البسبوسة
خللى بالك م المـحـروسـة
ألعن شئ فى الدنيا الكوسة
بيروح فيها الشقيانين ..
يا حلاوتك يا تين ..
هوجة قالوا.. برّانية
وهوجة قالوا.. جوّانية
ولاحدش مسك الحرامية
راحوا فطيس المظلومين
يا حلاوتك يا تين ..
تين يا عايش من سِمادنا
هات لنا اللى هبشوا زادنا
كُل كنيسة .. وكُل مادنة
مستنيين عَدل السنين ..
يا حلاوتك يا تين ..
ياللى طعمك .. زيّ سُكر
جاي والنيل زعلان متعكر
قبل ما تغلا .. بُص وفكـّر
ناوي يا حلو تروح مع مين
يا حلاوتك يا تين ..
لو حَمِتنا ..احنا حاميينك
لو ساندنا ..احنا ساندينك
واحنا وقفنا للي يهينك
ليه تخلينا نسب التين!!
يا حلاوتك يا تين ..
تين يا واخد من سَـمارنا
انت واحد من ثمارنا ..
تحلى..تدخل قلب دارنا
وغير كده.. متشكرين
يا حلاوتك يا تين ..
علاء عبد المنعم
