غنى
غنيت غنيت
ومليت الروح فرحه
يا ورده وطارحه عبير
بيبر الروح
اقفى هنا اتنهدى
هدى المدى السؤددي
واتعبدى اتعبدى
للى عطانا الروح
شدى العيون وارمحى
صيبى بشعاع مرمحى
واوعاكى تتسرمحى
لاحسن حنينى يروح
طلت بتتهجى النسيم فى الشمس
لا يود قلبى اللمس
ولا يود الذهاب
قالت يا محلا الرطب
لو يلمحه العناب
قالت
سمعت بقلبى وبروحى الكلام
نطيت فرح
ورسمت بستان من دهب
وحفرت فيه إسمها
قلبى يا شايل دة كله
يارب بكره طريقك
يكون بساط أحمدى
