علاء عيسي
"ماتحاوليش مش هارجع تانى
باعتة عيونك تترجانى ؟
جاية تقول " نبدأ من تانى؟
مين راح يضمن قلب أنانى
ماتحاوليش مش حارجع تانى
ماتحاوليش
.......
كلمة آسفة مش هاتغيَّر
عهد مابينى وقلبى أخدته
وانتى عمايلك أكتر واكتر
كدبك ياما كتير صدَّقته
مهما تنادى مش هاتغيَّر
بيكى وغيرك لازم حاقدر
تانى أعيش ماتحاوليش
..........
كلمة لأة لما باقولها
بابقى حاسبها وحاسس بيها
ماتعودتش مرة ف عمرى
بعد ماقولها راح ارجع فيها
مهما تنادى مش هاتغيَّر
بيكى وغيرك لازم حاقدر
تانى أعيش ماتحاوليش
ممن ديوان العزف علي أوتار ممزقة
