لساني مش شايف | صلاح الجمال

 

لساني مش شايف....

غير معاد اللُقا ...
لسه جوايا خايف ....
من الفراق و البكا .....
ليه الطريق مقسوم ...
من نقطة الابتدا ....
لو القلوب مجروحة ...
تهونها سجدة دعا ....
لسه الدوا مسموم .....
لو كان لغير المرض .....
و الوجع لو يوم بيدوم ....
بيسيب نفس العَرَض ...
لسه الهوا محموم ....
بين سحاب الأمل ....
و البعد لو بيطول ....
بيبرّد جبال الشوق ...
و الحب لـ اغلى الضنا ...
يبقى رماد معسول ...
و الآية تتبدل ...
 لكونها اعجاز ...
و الكلمة تتعدل ...
لكونها مجاز ...
و الصورة تتفصل ...
بالملي ع البرواز ...
أنا شوفت طريقي من فوق ...
لكوني ميت ...
بس حي مجاز ...

صلاح الجمال