تعرف إننا بالصلا ع الزين.....
كلنا عايشين....
ع الأرض ومش فوق ف الجنة......
بنسدد قطمة تفاحة؟......
لو آدم كان بس إستنى.....
مش كان حيجيب ناس مرتاحه؟.....
و ماكنشي بقى أقصى أمالنا.....
نوصل لمكان أصله مكاننا....
ومخلوق م الأول علشاننا...
لاكن احياناً م التفكير....
ف الحبكة وف شؤون التدابير....
يطلع تفسير... معقول… بيقول.....
احياناً أحداث الدنيا....
علشان تحصل.....
وخطوط اللعبة عشان توصل.....
ما بينقصهاش غير شماعة....
الدنيا أساساً م الأول.......
شئ يشبه سلك السماعة.....
يتلعبك منك ف ثواني......
وعشان يرجع مفرود تاني....
لازم تتعذب وتعاني....
و تفكه ف أكتر من ساعة....
