أنا
هاني السعيد
أنا المعجون بزيت الورد
والتربة ربيع أخضر
ومفروش بالندى والفرح
بديع الشوق يقربني من المواويل
غنايا عويل
وبستنى الفرحة في توب العتمة
والمدى تباريح
أنا المعتوه
وجودي يتوه
وأتوه مني
سمايا غنوه جوايا
وأرضي صرختي في النوح
مكنتش في يوم تايب
أنا الغايب وأنا المجروح
وجوايا أنين الغربة
ولسه بستنى الفجر وأنا المدبوح
بغيب لحظة ورا لحظة
وسنيني تعدي في لحظة بوح
ويفضل أنيني شقيقي جوه الضلمه
وجوه الرحيل مسفوح
