قابل يعيش دور المشاهد و البطل
أمير لبيب
قابل يعيش دور المشاهد و البطل
قادر يعيش
احلام عطيل
من غير خيانة بتوجعه
او يبقى روميو العصر دة
فى معالجة للنص اللى عاش
جوة التاريخ مليون سنة
و معالجة للجرح اللى عاش
جوة البطل مليون وجع
ــــــــ
ارجوك
ماتنهيش الحدث
لما الحكاية تبتدى
ارجوك
ماتخلقش الدراما
من معاناه البطل
العمر مسافة ما بين تترين
فبداية عمرك احلامك
و نهاية حلمك مفتوحة
و الشرط المخرج و البطلة
شايفين م العالم دنيتهم
سامعين الهمس فى وسط زعيق
عايشين الفيلم روائى طويل
حابين الحلم و احداثه
رافضين يبقى..ـ
حلم قصيَّر
