" واحد وطن شيييييييييي ... واحد وطن حااااااااااااا "
..............
شِيييييييييييي
حااااااااا
ياصباح الغرغرة
عـ اللي بيسوقوا لـ وَرا
وكمان عـ اللي بيرتب سِنانو
حاطط أفكارو فـ مُمبارو
وعينه عـ المَرا
ومش مهم مين باع
ومش مهم مين اشترا
ومش مهم مين باصص على بنطلون البت
بيدوَّر على الجوهرة
ومش مهم مين بيلف فوق الروس
بـ مبخرة
ومش مهم الروس لما توافق
على الأفعال غير المُبرره
تجريب فـ حجاب عشان الدَّاء
العقل يخف لما يبلو ويشرب مايِّتو
أو فـ مقال
تحت نَصْب الاستقراء
للي بيكتب وهوَّا فاشخ ذِمِّتو
موووووووولد وفانتازيا
وتاريخ بيدوَّر على جغرافيا
قلَّعوها هدومها من زمان
والكل عينه عـ اللبان
وبيندغ
فـ الأفكار المِشَرْشَرَه
شيييييييييي
حاااااااااااااااا
كُرباج وَرا
